من سنوات، تمنى أغلبنا شراء هاتف أيفون iPhone، لتنزيل الستيكرز والإيموشن في الـ stats بسهولة واستخدامها في الشات، لكونها تعبر عن حالتنا النفسية و مزاجنا اليومي في العموم، لكن ارتفاع أسعار الأيفون ظل عقبة لدي الكثيرين، إلى أن سهلت شركات تصنيع هواتف أندرويد الأمر، عبر تطوير لوحات الهواتف لتقبل برامج الستيكرز والإيموشن التي يمكنك تنزليها من متجر جوجل Google Play بكل سهولة.
ورغم اختلاف أشكال وتصميمات الستيكرز، لم نرى واحدا منها تعبر عن أمثالنا الشعبية المصرية وإفيهات الأفلام التي نرددها دائما، ومن هنا فكر صبري الطويل، طالب علوم الحاسب، في تصميم ستيكرز أو ملصقات بروح مصرية، لتكون الأولي من نوعها، وهو يحكي لـ”مشبك” عن فكرته وخطوات تفعيل الستيكرز على هاتفك.
في البداية.. إيه المختلف في الستيكرز إللى أنت عملتها عن غيرها؟
المختلف إنها بتعكس الروح واللغة المصرية، ودا اللي بيميزها عن أي حاجة تانية، يعني واحدة الثيمة بتاعتها موظف حكومي مصري تقليدي والتانية كلام مصري دارج.
يعني نقدر نقول إننا ممكن نلقى فيها إفيهات مصري أو مثل شعبي؟
بالظبط.. ده إللي عملته، هتلقي مثلا إفيهات مكي وأحمد حلمي وأبو حفيظة، و كلام بنقوله لبعض زي “موااه” “الوضع بطاطا” “زهقان”، وكلها تصميمات أنا اللي رسمتها.
عشان ننزل الستيكرز لازم ننزل تطبيق معين قبلها؟
مش محتاجة أي تطبيق عشان تنزل، هي بتنزل بس على آخر تحديث للواتساب WhatsApp.
قولنا خطوات تنزيل الاستيكرز على الواتساب؟
أول حاجة.. اعمل تحديث للواتساب، الحاجة الثانية.. تحميلها من play store، وأخر حاجة اختيار الاستيكرز والضغط على إضافة للواتساب.
هل حقيقي إن في تعليقات كتيرة جتلك من الأشخاص اللي جربوه الستيكرز، منها أنه مش شغال؟
الناحية التكنيكال في حيث إنها مش شغالة فالحقيقة دي مشكلة نادرة، أعتقد اني مشوفتهاش بعيني في الأجهزة اللي جربتها عليها، وممكن يكون السبب في النسخة الوتساب، أو أنهم بيجربوها مثلا على الماسنجر.. ع العموم لا تفوتوا تنزيل الاستيكرز من هنا بكل سهولة وجربوها بنفسكم.
